Christopher SsebaddukaChristopher Ssebadduka

Obwedda nindirira gwe Nakiganda, ow’omukwano
Lwaaki kale okulwaayo?
Akatebe n’enkateeka wennengerera,
nkulengere gwe bwojja eri mu luguudo
Mmotoka zintamye kukaabya ng’ ombe – buli kaseera, bwekaabamu, mpapa nnyo
Nti oba y’ ereese ekkula?
Ogenda n’eweekunya ng’ova eka – naye Mukwano, lwaki okola olulembe?
Kyokka nsanyuse muli n’enkamala, Ddiya, omulungi gwe webaale kusonga!
Ondaaganya Ddiya n’olwa ggwe
Amaaso nteeka mu kkubo ne ninda
Naye ate mba nga alumwa omusujja
Leero gwe kimanye!…

Mwattu nina akaboozi, kasava, ow’omukwano – jjangu gwe tunyumyeko!
Hmmm!…Kyokka, tolowooza nti nkulimba!

Akafanaanyi kewampa olulala, Ddiya, Omulungi, lwe twali ku mizanyo.
Nnagenda n’enkatwalako mu bakadde,
n’abo mbabuuze kye bagamba ku Mulongo
Taata yayogera aseka nti
“Leero bw’ otoowase ono – nga mmindi ye kuwunza!
Maama yansesa, kuba yanvumamu nti
“Bw’osubwa ono – ng’ofuuse na kigwaagwa!”
Era ne bannumiriza nga nkomawo,
nzijje nkugambe ontwale mu bakadde.
Nyaye gwe mwagalwa – olabye otya?
Nze ekyo kye nyinni ekinkeeta
N’obwedda nkulinze lwa nsonga eyo
Naye nga bwozze kati Mulongo, tutuule, tuteese!

Jira tukende ku mupiira, tudde,ntere nkutwale, odde eka mu bakadde
Naye kulembera ndabe bw’okumba – laba, laba ,
bwe kisitula nyini ebitumbwe!
A’!A’!A’!A’! – Ee, ee!
Mwattu tambula mpola ng’ogenda, nyiga awo – woonyooma lwe luttotto!
Aahaa!
Ate tambula mpola ng’okomawo – laba,laba, bwe kisitula nyini obugato!
Waliwo bakyala banno mwattu, abeewuunya gwe bw’osimbula akakondo!
Eyabumba yayonja omuntu, naye yategana, wamma gwe nga akuwoola![2:45:46].
Jjeradi [Gerald], naawe wangayanga olulala laba ku kyaana, kinnange bwe kikumba!
Amaaso ga Nakiganda gansanyusa
Kuba enjala ne bwennuma – si jiwulira
N’ enyonta ne bwennuma – si juwulira.
Amaaso ga Nakiganda gajivumula
Oooh – kirina emunnye ezikyuuka!
Abakulu olugenda, mwattu ng’obagamba – tulage, tugende!
Ku Ssande [Sunday] eri ejja, lwe lugendo – tewali kitiisa!
Nsigadde wano mwattu nga nkulinda – ebyaffe biggwe!

📣 Do you find Musiclyfer useful? Follow us on Facebook(@musiclyfer) and stay updated.