Kingstone Mulungi – Mukazi yankyawa Lyrics

Simanyi omukazi yankyawa!
Ye kaakati mbagambe ntya?
Ne ku buko nakooyeeyo
Ndaba nga gwe balengezza

Bukya mbiwoomya bye nnyimba
Obwongo nange bwanziruse
Ninga aliko kye yeebigise
Mukunja wammwe gampitamu

Musajja wo bukya mbawasa
Gwemwandabira ansusseeko
Luli nnali mmuwaana naye
Afuuse wa katuubagiro

Munnange kwe nnali nfiira
Yayingira mu by’ennyamiza
Kuba yamanya bw’annyinula
Olwo nalumya nze naakamala

Nabuulirira ne mmulemwa
Buli kimu ne yeegaana
N’okukaaba n’akaaba
N’aba nga gwe bawaayidde

Nga bw’omanyi nti wammalamu
Ba mwenkanya mu by’osalawo
Nkyabuliddwa nange gwe ndeeta
Okumponya ekiwuubaalo

Nga bw’okimanyi nti wammalamu
Ba mwenkanya mu by’osalawo
Nkyabuliddwa nange gwe ndeeta
Okumponya ekiwuubaalo

Nga bw’okimanyi nti wammalamu
Ba mwenkanya mu by’osalawo
Nkyabuliddwa nange gwe ndeeta
Okumponya ekiwuubaalo

Endowooza zange zaawuguse
Gwe nneeyabiza k’akalubye
Njula okusitula obuliri
Nange mbukube gy’azaalwa

Obwana bwange bw’abyanza
Okubunziriza kyamulema
Oba aliko ne gy’abugaba!
Bulangibwe bye bwalidde
Oba ebikyamu byagwawo
Lekanga kunsiriikirira
Ndaga obusungu w’obuggya
Netonde nga bwe gwansinze
Laba nno n’oli bw’ambiina
Nga bwe banyiwa abatijjukana
Ng’eyaakalaba bw’abeera
Ye bw’alina okusaakiriza

Nga bw’okimanyi nti wammalamu
Ba mwenkanya mu by’osalawo
Nkyabuliddwa nange gwe ndeeta
Okumponya ekiwuubaalo

Nga bw’okimanyi nti wammalamu
Ba mwenkanya mu by’osalawo
Nkyabuliddwa nange gwe ndeeta
Okumponya ekiwuubaalo

Nga bw’okimanyi nti wammalamu
Ba mwenkanya mu by’osalawo
Nkyabuliddwa nange gwe ndeeta
Okumponya ekiwuubaalo

Mukama mu nneema z’otayiza
Nze eyange emu eti n’ebulayo!
Okundaga omutuufu kyakulema!
Kyekubira akususseeko
Okunsaza obutuuyo enkya
N’olweggulo ne neekebera
Buli we mbeera ne zimpitamu
Ne bwe neegumya byaganye
Plan zange ze ntegeka
Yazinziriza dda emabega
N’ebipya kati byampitako
Mu reverse mwentetenkanyiza

Munnange kwe nnali nfiira
Yayingira mu by’ennyamiza
Kuba yamanya bw’annyinula
Olwo nalumya nze naakamala

Olaba abasajja bookya mayu
Ng’omukwano gwamulumye
N’azoolekana naakunama
Mmwe muzannya n’ebigambo he!
Abandi ne bawoowoola
N’olaba amaziga bw’agayiwa!
Abalala bwe yenyiwa eby’ensi
Kuttiŋŋana kwe kuddirira

Nga bw’okimanyi nti wammalamu
Ba mwenkanya mu by’osalawo
Nkyabuliddwa nange gwe ndeeta
Okumponya ekiwuubaalo

📣 Do you find Musiclyfer useful? Follow us on Facebook(@musiclyfer) and stay updated.