Omuntu omuzibu okuyiga kyali
Basudde abampalampako mubireke
Kale ndi wa ngeri nnyo nga siiti
Ensonga ssifaanana ekyo kyendi
Muwuulya yambuuzaako olumu ki kyendi?
Ng’anti ebindabika ssi bye nkola
Kko nze onoosoboleza wa ebya Ddunda?
Nange ndabira awo nga bwe guli
Okumanya ndi muntu gwotamanya bulungi
Nawatawanya abanzaala eyo mu buto
Banoonya gwe ndifaanana bakole kw’ekyo
Mpaawo yazuula mwattu kintu kye ndiba
Kyababuukako nnyabo ne taata!
Nga nnyimbye ate ne ssiyimba mutali
Geesiba beewuunaganyaamu n’amatumbi
Nti omwana yakola byatafaanana
Kati mmwe munanjiga mutya mumanye kyendi?
Nga mundabidde emyaka kkumi limu
Mujja kupaatiikangawo bye musanze
Nti ali ati n’abamu mukonjere
Okutuusa kati nkyewuunyisa n’abandeera okubeera nti
Naye ate mmwe ndi wa balinnya n’emitwe nkire enguuli
Sikyatubira kuba mmanyi awaseerera kawabe essanja
Amatu ssa eno n’obwongo otaggulula nsumulule ebyange
Bino bipya
Mbiggya mu mmwe eyo ne mbisengeka
Ne nzira mbawe
Okutuusa nze lwe ndiziikibwa
Nga bwentyo bwe nkola Basu
Nagenda ne nsamwassamwa awo ne mbagamba
Nti bus dunia eyonoonese
N’abagikolamu ne mbabagamba
Bwebataliimu buntubulamu
Driver olwakitegeera bwe mbaloopye
N’anoonya ettaffaali eritasituka
N’aliwummuza ku accelerator
Speed n’esinga kw’eri we yali
Eno tekyali bus nga bwe mbagambye
Teriiko w’ogamba nti nno walamu
Bukya esensebuka ne nkibagamba
Okuva olwo munnange tekolwangako
N’eryoka kale eva mu bivunze
Kiri kipampagalu mpanka z’eddusa
Kondakita yekyawa lwe nabaloopa
N’ataama ku luno alinga mulalu
Atiiya abatuddemu nootokisiima
Omuntu alabidde mu bus embi
Ku ffe abagirimu teri atapooca
Weegomba bakutiiye oweweere
Kondakita alina olutondotondo
Ayomba n’obubinja mu bus embi
Ako akabinja konna n’akasaanya
Y’entikkula ye mu nkola empya
Mu bus mwalimu omutto jjuuzi
Kondakita n’akeera nnyo kumakya
Abagutuulako kata abasaanye
Ekyali e Rwanda mwakiwulira
Omusajja oyo tukukkulumira enkola ye ssi ntuufu
Yo bus gy’egenda weerituukira eriba ewewuse
Nga mpaawo balimu
Entikkula eno ani yali alabye?
Ayoola bw’ayiwa
Leero ye waayagalira
Takutiiya lwakuba otuuse
Okumanya bus esusse weesaana
Kaakati epipira engine luwe
Ejja tuzikirako eyo gye tugenda
Tuveemu olwo ate tusindike
Ketuligivaamu tugiyambe
Okugiddamu ate biriba bigwo
Olijja otya kondakita omugambe?
Nti eyase ate tuddamu tutuule
Nze keerizikira sikibalimba
Ngya kwesirisa ng’atawulira
Vvaayo tusindike siriva wendi
Nti nfulumemu tusindike
Alikola ekisa sikikulimba
K’eriyaka w’olisigala
Olaba okululibwa mu mutto mwoli
Aligyefulumya teweebalabala
Bus dunia nkulu bulungi
Erimu ebibangirizi ebyayooyootwa
Mwe baggya amazzi bus kw’enywa
Radiator obutacamuka
Ebibangirizi ekiddo kyabizinda
Kaakati bus ekyamuse okufa
My car ky’aliko okinoonya naawe
N’okibulwa gwe atanyegako!
Ejja kwengerera ekwate n’ogufumba
Awava amazzi ekiddo ky’olaba
Bus ebigiyigganya kale byo bingi
Bus dunia bwetyo bw’esula
Naye abaffe, nnyini bus ky’aliko ki erudda eyo?
My car, baako obuyambi bw’okola ojune ebbaasi
Kaakati kigu
N’abagituddemu teri amira
Tulinze na kigwo
Eno ssi ye bus gy’otunuulira, nootosaasira alimu
Ate tooveemu ogende ludda wa?
Bus y’eriwo emu eti
Bus bus erimu abayomba
Buli omu yeesonsa ennyombo ziwere
Eyanditaasizza ng’alabye abayomba
Y’asaakaanya nti nno mwongere!
Pilot avuga bus epaala
Saamwogerako ku luli kuba
Ekimuvugisa envuga etasaana
Nnyini bus tebakolagana
Yamuwa omulimu ng’akyali mulungi
Bus n’ayiiya omwami aginyage
Avuga ndiima mbu abule agizaaye
Amannya ge mmanyiiko Lusifeeri
Alina ba mbega be akeera n’abagamba
Batuyiteeyitemu nga ye bw’avuga
Twediime nga ye bw’atugambye
My car bye yatugamba tubite
Kale munnange bus gye nkugamba
Eri mu nnyombo abalala mpaka
Abamu bakyaganye okwata by’abagamba
Ate abalala bakkiriziganya
Wabaawo bus awalala w’eri
Eno mbadde nvaamu lwa mpaka
Bus dunia efuuse ekitasaana
Tunulira ebiri mu nsi tufaanane
Muli obubbi, entalo n’obwenzi obutaliiko gage
Gwe oba osaaga ensi gy’egenda mmulisizzaayo tooki
Teri ssaala mulinde kigwo kya bus bannange
Omuvuzi mubi
Mmotoka ya munne tagisaasira
Ate naffe mwe tuli
Ne gye yali etulaza tetutwalayo
Mwekwate mugume abange
Ekyalo gye ndaga nakibagamba
Bayitayo bukadde ky’eyo ku nkuzi
Kondakita ono entiiya gy’atutiiya
Sisuubira kutuuka gye ndaga
Neekutte nnyo mu kasonda wendi
Naye eriiso ly’ankuba nditya
Lwe kirimutikka enjaga gy’anywa
Mulimpulira enkoona ku ddimwa
Kuba omutto twaliko era bangi
Kaakati abaliko mpawetuzira
Ate ayitawo era kko n’atukiina
Nti mutudde mulinga abatalifuluma!
Ne weddaabiriza olaga bugonvu
N’akuziimuula n’adda ku luggi
N’olinda lunaku lw’alikutiiya
Ate nga totuuse gy’olaga
Ye driver takyali kw’olwo
Bus oba ekoona ffunvu y’emanyi
My car vvaayo n’otuyamba
Siragidde wabula mmenye ku mavi
Ssebo oba nga bus wagikoowa
Tuweesezeeyo waakiri ekipya
Ogisseemu abakozi abasaana
Omulimu gw’okuvuga nange gwe nsabye
Nze ntegese kuvuga bulungi
Ssi bya Lusifeeri ono by’avuga
Kino kireke n’okuba kivunze
Otikkulemu bantu bo okite
Mmwe bannange ekirowoozo kye ntaddeyo kikyamu ekyo?
Omusajja ono avuga ne kondakita bakyamu nno,
Ate nga ba kika
Nze nina obwongo obutaganjula
Bye nzuula bye mbawa
Sso bwe mb’awo n’ontunuulira
Tonteebeza kubeera ntyo
Bus dunia anyumya y’akoowa
Ne gye tulaga mpa we tumanyi
Yatujja mu kkubo eyita mu bikande
Enguudo ennamu ezitya nnyo lwakuba
Batya nnyiniyo k’amala agiteega
Mu nguudo mw’amanyi nti mw’eyita
Kye bava bawaguza ne mu bikande
N’ekankabuka embaati bwe zigwa
Balituyisaawo ne we tugenda
Gw’ate amakubo twagabalama
Kati bus efuuse y’abazaaye
Omuntu alabidde mu ttalo lino
Osanga n’eyali omusoosodooti
Nga ne bye yaliko mpaawe ky’alaba
Takyalengerayo ne gye tugenda
Omuntu abulidde mu bus enfu
Lusifeeri kaakati avuga taweera
Abbye bus n’abali mu yo
N’abantu emitima abamu gigonze
Ky’alagira bbo kye bakola
Nti munywe omwenge n’ebita mubyoze
Nti weewaawo era ennywa gye tunywa
Nti munywe enjaga mutte ne be musanze
Nti weewaawo ate era bwe guli
Obwenzi gufuuke na muze mulungi
Mukwate n’obwana abasajja temutya
Ebyo bye biri mu bus gye nkugambye
Eyava mu kkubo lyayo edda mwe yali
Nnyini bus, ssebo gira otalaageko obune ensenke
Bus gy’eyita
Tutudde omwo ng’emiteteme
Ate edduka nnyo ky’ekibi
Kondakita ne driver
Abantu bo bakyamu nno
Abali mu bus tufune agayomba
Kondakita ye tumuleke
Driver ono gwe tuba tugamba
Atuggyeko efujjo by’avuga bibi
Bus ssi yiye tukimugambe
Erina nnyiniyo eyamuwa avuge
N’ava ku mateeka ge yamugambye
N’agifuula yiye agibbe ezaawe
Nti era nnyiniyo ono k’amala agisanga
Talwabula teyeebalabala
Bw’anakimanya nti tukimugambye
Ajja kuggyamu switch y’afubuttuke
Awo nnyiniyo w’aligisanga
N’agiddaabiriza n’efuna omupya
Driver nga ye avuga tadiima
Ng’akebera n’omukka oba nga mweguli
Katonda by’antumye byo mbibagambye
Munambuuza ewuwe gye nsula?
Ayogerera mu bantu ne ku Musa bwe gwali
Wadde eriyo abataamuwulira
Mulijjukira ebintu bye mbagambye
Ng’essaawa etuuse teri na wala
Munsongeko olunwe nti watugamba
Wadde abamu tetwakufaako
Mmaze ogwange ninda ate lwe ndivumbula nfune agadda
Naye bus buli omu yeerowooleze ntemye empenda
Kanneddire awaka
Nze Elimaani ly’eribatize
Basudde lyaffe lya lulyo
Ŋŋenze nja kudda n’ekitereke
Nze nvumbula ebipya man
📣 Do you find Musiclyfer useful? Follow us on Facebook(@musiclyfer) and stay updated.